Հայաստանի Հանրապետութեան վարչապետ Նիկոլ Փաշինեան հանդիպում ունեցած է «Ռասմուսեն Կլոպալ» միջազգային քաղաքական խորհրդատուական կազմակերպութեան հիմնադիր Անտերս Ֆոկ Ռասմուսենի հետ:
Ռասմուսեն շնորհակալութիւն յայտնած է Նիկոլ Փաշինեանին «Քոփընհակընի ժողովրդավարութեան գագաթաժողով»-ին մասնակցելու հրաւէրը ընդունելու եւ «Առաջնագիծէն. Հայաստանի ժողովրդավարութեան պաշտպանութիւնը» («From the frontline: Armenia’s defence of democracy») թեմայով քննարկման մասնակցելու համար:
Զրուցակիցները միտքեր փոխանակած են տարածաշրջանային զարգացումներու եւ անվտանգային մարտահրաւէրներու շուրջ: Քննարկուած են Հարաւային Կովկասի մէջ անվտանգութեան ու կայունութեան վերաբերող հարցեր, երկուստեք կարեւորուած են այդ ուղղութեամբ շարունակական ջանքերը:
Տարածաշրջանային հաղորդուղիներու ապաշրջափակման առումով, Անտերս Ֆոկ Ռասմուսեն ընդգծած է Հայաստանի կառավարութեան «Խաղաղութեան խաչմերուկ» նախագիծին կարեւորութիւնը:
