Ռուսական Պաշտպանութեան նախարարութիւնը յայտարարեց, թէ ռուսական զինեալ ջոկատներ սկսած են յառաջխաղաղացքի մեծ գործողութիւնը Ուքրանիոյ Խարքիվ նահանգին մէջ: Անոնք գրաւած են Փրոկրովաթքա գիւղը Խարքիվ նահանգին մէջ: Ըստ նոյն աղբիւրին, ռուսական ուժեր կրցած են շրջանցել ուքրանական բանակի պաշտպանութեան առաջին օղակը ու հասած են այս գիւղը: Երէկուան ուքրանական բանակի կորուստները կազմեցին 520 սպանեալ եւ երեք զինամթերքի պահեստանոցի կործանում: Ըստ վերլուծողներու, այս յառաջխաղացքին նպատակն է գրաւել այն շրջանները, ուրկէ ուքրանական ուժեր կը յարձակին ռուսական Պելկորոտ քաղաքին վրայ: Ուքրանական բանակի ընդհանուր հրամանատար Ալեքսանտր Սերսքի յայտարարեց, թէ ուքրանական ուժերը կը դիմագրաւեն ծանր վիճակ Խարքիվի ճակատին վրայ:
