Քաթարի Արտաքին գործերու նախարարութեան խօսնակը յայտարարեց, թէ պէտք է թոյլ տալ օժանդակութեան մուտքը Կազա եւ փոխադրակառքերը թիրախ պէտք չէ դառնան իսրայէլեան ռմբակոծումի: Ան աւելցուց, որ իր երկիրը յոյսը չէ կորսնցուցած յաջողելու բանակցութեան հարցին մէջ: Իսրայէլեան կողմը չունի ճամբու քարտէս Կազայի պատերազմը աւարտելու համար: Խօսնակը յայտարարեց, թէ մեծ վիհ կայ պաղեստինեան եւ իսրայէլեան կողմերուն միջեւ, որովհետեւ պաղեստինցիները կ’ուզեն մնայուն զինադադար, մինչ իսրայէլեան կողմը կառչած է առժամեայ զինադադարի գաղափարին:
