Խորհրդարանի նախագահ Նեպիհ Պըրրի Այն Թինէի մէջ ընդունեց փոխնախագահ Էլիաս Պու Սաապը, որուն հետ քննարկեց Չորեքշաբթի օր տեղի ունենալիք երեսփոխանական նիստին մանրամասնութիւնները եւ շեշտեց անոր կարեւորութիւնը` սուրիացի տեղահանուածներու թղթածրարին առնչութեամբ: Պըրրի շեշտեց երկխօսութիւնը շարունակելու հրամայականը` յանգելու համար հանրապետութեան նոր նախագահի ընտրութեան հարցով համաձայնական եզրերու: Պու Սաապ, իր կարգին, մտահոգութիւն յայտնեց երկխօսութիւնը մերժելու երեւոյթին առնչութեամբ, աւելցնելով որ այդպիսով երբեք կարելի չէ լուծում գտնել խնդիրներուն: Ան ահազանգեց, որ երկխօսութիւնը մերժելու հետեւանքները պիտի կրէ միայն Լիբանանը:
