Լիբանանեան բանակի հրամանատար զօրավար Ժոզէֆ Աուն Քաթարի մէջ իր տեսակցութիւններու ծիրին մէջ երէկ հիւրն էր վարչապետ, արտաքին գործերու նախարար Մոհամմատ պըն Ապտ էլ Ռահման Ալ Սանիի: Վերջինս վերահաստատեց իր երկրին շարունակական զօրակցութիւնը Լիբանանի զինուորական հաստատութիւններուն, որպէսզի կարողանան շարունակել իրենց կարեւոր առաքելութիւնը` պահպանելու Լիբանանի անվտանգութիւնն ու կայունութիւնը: Զօրավար Աուն, իր կարգին, շնորհակալութիւն յայտնեց Տոհայի իշխանութիւններուն եւ իշխան Թամիմ պըն Համատ Ալ Սանիին` լիբանանեան բանակին կարողութիւնները ամրապնդելու ուղղութեամբ տարուած աշխատանքին համար:
