Կիւմրիի Սերկէյ Մերքուրովի տուն-թանգարանի յարկին ներքոյ, 11 Մայիսէն կը գործէ «Փարաճանով 100» խորագիրը կրող լուսանկարչական ցուցահանդէսը։ Նախաձեռնութիւնը համատեղ է՝ Փարաջանովի եւ «Կիւմրիի ժողովրդական ճարտարապետութեան եւ քաղաքային կենցաղի» թանգարաններունը՝ նուիրուած Սերկէյ Փարաճանովի 100-ամեակին։
«Համատեղ ցուցահանդէս կազմակերպելու գաղափարը յղացուած էրս մէկ տարի առաջ, ինչ որ, հանգամանքներու բերումով, հնարաւոր դարձաւ իրագործել այս տարի` բեմադրիչին 100-ամեակին նուիրուած միջոցառումներու շրջանակներուն մէջ։ Ցուցահանդէսը պիտի գործէ մինչեւ այս տարուայ Սեպտեմբեր»,- նշեց «Կիւմրիի ժողովրդական ճարտարապետութեան եւ քաղաքային կենցաղի» թանգարաններու տնօրէն Անի Նազարեանը՝ տեղեկացնելով, որ ներկայացուած են Փարաճանովի անձնական լուսանկարներէն, լուսանկարներ ֆիլմերէ, ինչպէս նաեւ ֆիլմերու հագուստներու էսքիզներ:
Մինչեւ Սեպտեմբեր Կիւմրիի մէջ ապրող արուեստասէր հանրութեան ու քաղաքի հիւրերուն հնարաւորութիւն պիտի տրուի լուսանկարներու միջոցով վայելել բեմադրիչին ստեղծագործութիւններն ու ծանօթանալ անոր առօրեային:
