Հայաստանի Հանրապետութեան տարածքային կառավարման եւ ենթակառուցուածքներու նախարար Գնէլ Սանոսեան ընդունած է Հայաստանի մէջ Պրազիի Դաշնային Հանրապետութեան դեսպան Ֆապիօ Վազ Փիթալուկան։
Նախարար Սանոսեան ողջունած է դեսպանը եւ ընդգծած է Հայաստանի եւ Պրազիլի միջեւ բոլոր մակարդակներով յարաբերութիւններու խորացման անհրաժեշտութիւնը։
Դեսպանը իր հերթին ընդգծած է Հայաստանի եւ Պրազիլի միջեւ պատմական կապերու առկայութիւնը։
Հանդիպման ընթացքին քննարկուած են ուժանիւթի ոլորտին վերաբերեալ հարցեր։
Դեսպանը նախարարին ներկայացուցած է վերականգնուող ուժանիւթի ոլորտին մէջ Պրազիլի փորձը՝ կենսավառելիքի արտադրման, ինչպէս նաեւ հողմային, արեւային ուժանիւթի ստացման եւ կիրառման փորձը։
Նախարար Սանոսեան մասնաւորապէս հետաքրքրուած է կենսավառելիքի ստացման եղանակներով եւ այն Հայաստանի մէջ տեղայնացնելու եւ կիրառելու հնարաւորութիւններով։
Պայմանաւորուածութիւն ձեռք բերուած է արդէն մասնագիտական մակարդակով քննարկել այս ոլորտին մէջ համագործակցութեան հնարաւորութիւնները։
