Փարիզի 33-րդ ամառնային Ողիմպիական խաղերուն կրակը արդէն Ֆրանսայի մէջ է:
12-օրեայ ծովային ճամբորդութենէ յետոյ յունական Օլիմփիա աւանին մէջ վառած Ողիմպիական խաղերուն կրակը արդէն Ֆրանսայի Մարսէյ քաղաքին մէջ է:
Հայաստանը 33-րդ ամառնային Ողիմպիական խաղերուն ունի 11 մասնակից` հրաձիգ Էլմիրա Կարապետեանը, ըմբիշներ Արթուր Ալեքսանեանը, Մալխաս Ամոյեանը, Սլաւիկ Գալստեանը, Վազգէն Թեւանեանը, Արսէն Յարութիւնեանը, մարմնամարզիկ Արթուր Դաւթեանը, ծանրորդներ Անդրանիկ Կարապետեանը, Գարիկ Կարապետեանը եւ Վարազդատ Լալայեանը:
Փարիզի 33-րդ ամառնային Ողիմպիական խաղերը պիտի կայանան 2024 թուականի 26 Յուլիսէն 11 Օգոստոս: Խաղերու բացման արարողութիւնը պիտի ըլլայ բացառիկ, քանի որ առաջին անգամն է, որ այն պիտի կայացուի ոչ թէ մարզադաշտի մէջ, այլ Ֆրանսայի սրտին` Սեն գետի երկայնքով: Փարիզը Լոնտոնէն յետոյ երկրորդ քաղաքն է, որ երրորդ անգամն է կը հիւրընկալէ Ողիմպիական խաղերը (1900, 1924, 2024): 33-րդ ամառնային Ողիմպիական խաղերու բացման արարողութիւնը խորհրդանշական օր է, քանի որ 1924 թուականին խաղերու փակման արարողութիւնը կայացած է այդ օրը:
Մասնակից հաւաքականները բացման արարողութեան պիտի մասնակցին նաւակներով: Փարիզի Ողիմպիական խաղերուն 32 մարզաձեւի մէջ պիտի խաղարկուի 329 մետալ, իսկ մասնակիցներուն թիւը պիտի գերազանցէ 10 հազարը: Այս Խաղերուն մէջ նոր մարզաձեւ պիտի ըլլայ «պրէյք տանս»ը: Փարիզի Ողիմպիական խաղերու քանի մը մարզաձեւերու մրցումներ տեղի պիտի ունենան Թաիթիի, Նանթի, Լիոնի, Մարսէյի, Սենթ-Էթիենի մէջ եւ այլն: Այս Խաղերուն մէջ պիտի աշխատի մօտ 45 հազար կամաւոր աշխարհի տարբեր երկիրներէ:
Փարիզի Խաղերու կազմակերպող կոմիտէն ներկայացուցած է նաեւ Ողիմպիական խաղերու թալիսմանը` մասքոթը: Թալիսմանը, որ ստացել է Ֆրիկ (Phryges) անուանումը, նման է ֆրանսական գլխարկներու եւ ունի կարմիր գոյն: Ֆրիկիական գլխարկը կը համարուի ֆրանսական յեղափոխութեան եւ ազատութեան խորհրդանիշ:
