Ռուսաստանի նախագահի մամուլի քարտուղար Տմիթրի Փեսքով յայտնած է, որ Եւրասիական տնտեսական միութիւնը անդամ երկիրներուն կու տայ համախառն ներքին արդիւնքի նկատելի աճ:
Տմիթրի Փեսքով այս մասին ըսած է՝ ի պատասխան այն հարցին, թէ արդեօք Քրեմլինը կ՛ակնկալէ՞, որ Հայաստանը կրնայ դադարեցնել իր մասնակցութիւնը ԵԱՏՄ-ին։
Խօսնակը ընդգծած է, որ ԵԱՏՄ-ն զարգացնելը կը բխի բոլոր մասնակից երկիրներու շահերէն։
«Եւրասիական տնտեսական միութիւնը անդամ երկիրնեուն կու տայ համախառն ներքին արդիւնքի նկատելի աճ։ Ընդհանրապէս, համարկման գործընթացն ինքնին (խմբ. ԵԱՏՄ շրջանակներուն մէջ) շատ յաջող է, այն կ՛ապահովէ Հայաստանի եւ անդամ միւս երկիրներուն արագ զարգացումը»,- յայտնած է Փեսքով եւ յաւելել, որ ԵԱՏՄ անդամ երկիրները անոր մասին տեղեակ են։
Քրեմլինի ներկայացուցիչը նաեւ նշած է, որ ԵԱՏՄ համարկման գործընթացի մասնաբաժինը անդամ երկիրներու ՀՆԱ-ի տարեկան աճի կշռոյթներուն մէջ շատ ու շատ նկատելի է։
