Հայաստանի Հանրապետութիւնը արդէն սկսած է նախապատրաստուել 2027 թուականին Երեւանի մէջ կայանալիք ծանրամարտի աշխարհի ախոյեանութեան:
Լրագրողներու հետ հանդիպման ժամանակ այս մասին յայտնեց ՀՀ վարչապետի աշխատակազմի ղեկավար Արայիկ Յարութիւնեանը:
«Առաջին դէպքն է, որ Ողիմպիական խաղերու մարզաձեւ համարուող մարզաաձեւէն մենք պիտի հիւրընկալենք աշխարհի ախոյեանութիւնը: Այդ իրաւունքը շնորհուած է Հայաստանի Հանրապետութեան` Ծանրամարտի միջազգային ֆետերասիոնի գոնկրէսի ժամանակ: Մենք պատմութիւն ունինք նմանատիպ մեծ իրադարձութիւններու կայացման` բռնցքամարտի Եւրոպայի ախոյեանութիւնը, ծանրամարտի Եւրոպայի ախոյեանութիւնը, սամպոյի աշխարհի ախոյեանութիւնը: Օրեր առաջ Հայաստանի մէջ աւարտեցաւ ֆութսալի Չեմփիընզ լիկի եզրափակիչ փուլերը: Մենք կ՛ուզենք շարունակել այս աւանդոյթը, որ լուրջ ազդեցութիւն ունի մեր մարզական ու տնտեսութեան ոլորտներու զարգացման վրայ»,- ըսաւ ան:
Յարութիւնեան վերյիշեց 2023 թուականի ծանրամարտի Եւրոպայի ախոյեանութեան մէջ Հայաստանի տղամարդոց խումբի բոլոր քաշային կարգերուն մէջ նուաճած 10 մետալները՝ յոյս յայտնելով, որ նմանատիպ երեւոյթները շարունակական պիտի ըլլան:
«Մենք հիմա արդէն կը սկսինք նախապատրաստուիլ 2027 թուականի ծանրամարտի աշխարհի ախոյեանութեան: Մեր գործընկերներուն առաջարկած ենք առնուազն 2023 թուականի Եւրոպայի երեւանեան ախոյեանութեան կազմակերպում եւ աւելին: Միջազգային ֆետերասիոնի հետ համագործակցութեան լաւ փորձ ունինք»,- ըսաւ Յարութիւնեան:
