Լիբանանի վարչապետի պաշտօնակատար Նեժիպ Միքաթի յայտարարեց, թէ Եւրոպական միութենէն պահանջած է մէկ միլիառ եւրօն յատկացնել Լիբանանի օժանդակութեան: Լիբանան կը հիւրընկալէ մէկուկէս միլիոն սուրիացի գաղթականներ եւ այդ գումարը պէտք է յատկացուի օժանդակելու համար երկրի ենթակառուցուածքին: Եւրոպական խորհրդարանը հաւանութիւն տուած է Միքաթիի պահանջին: Գումարը պիտի յատկացուի կառավարութեան, մինչ նախկին օժանդակութիւնները կը տրուէին ուղղակի գաղթականներուն:
