Վարչապետ Նիկոլ Փաշինեան ընդունած է Եւրոպական Յանձնաժողովի Հարեւանութեան եւ ընդլայնման բանակցութիւններու հարցերով գլխաւոր տնօրէն Կերտ Եան Գոփմանի գլխաւորած պատուիրակութիւնը:
Վարչապետը ողջունած է պարոն Գոփմանի այցը Հայաստան եւ ընդգծած է Հայաստան-Եւրոպական Միութիւն յարաբերութիւններու շարունակական զարգացման կարեւորութիւնը: Նիկոլ Փաշինեանը այս առումով առանցքային համարած է Ապրիլ 5-ին Պրիւքսէլի մէջ կայացած Հայաստան-ԵՄ-ԱՄՆ բարձր մակարդակի հանդիպումը եւ շեշտած է ձեռք բերուած պայմանաւորուածութիւններու արդիւնաւէտ իրականացման անհրաժեշտութիւնը: Վարչապետը վստահութիւն յայտնած է, որ Գոփմանի այցը պիտի նպաստէ միջոցառումներու ծրագրի եւ օրակարգի ձեւաւորման ու աոնոր հետագայ յառաջմղման:
Կերտ Եան Գոփման նշած է, որ Եւրոպական Յանձնաժողովը պատրաստ է սերտ համագործակցութեամբ նպաստելու Հայաստանի կառավարութեան առաջնահերթութիւններու իրականացման՝ ի նպաստ մեր երկրի դիմակայունութեան ամրապնդման ու տնտեսական աճին: Եւրոպական Յանձնաժողովի Հարեւանութեան եւ ընդլայնման բանակցութիւններու հարցերով գլխաւոր տնօրէնը համոզմունք յայտնած է, որ Հայաստան-ԵՄ յարաբերութիւնները կը շարունակեն յարաշարժ կերպով զարգանալ ու ընդլայնիլ:
Զրուցակիցները քննարկած են ՀՀ-ԵՄ փոխգործակցութեան վերաբերող հարցերու լայն շրջանակ:
