Յունաստանի Քոմոթինի քաղաքի երաժշտական դպրոցի դահլիճին մէջ կայացած է Հայոց ցեղասպանութեան 109-րդ տարելիցի ոգեկոչման միջոցառում, որուն ներկայ գտնուած են շարք մը պաշտօնեաներ, այդ շարքին` գիւղատնտեսութեան զարգացման եւ պարէնի փոխնախարար Սթաւրոս Քելեցիսը:
Յունաստանի մէջ Հայաստանի դեսպանութեան Ֆէյսպուքի էջը կը տեղեկացնէ, որ միջոցառման հիմնական բանախօսը եղած է Յունաստանի խորհրդարանի «Նոր Դեմոկրատիա» կուսակցութեան պատգամաւոր, Պանտէոնի անուան համալսարանի միջազգային իրաւունքի եւ արտաքին քաղաքականութեան փրոֆէսոր Անկելոս Սիրիկոսը` «Ցեղասպանութիւնը Օսմանեան կայսրութեան մէջ. ապահովել, որ այն, ինչ տեղի ունեցած է, այլեւս երբեք պիտի չկրկնուի» թեմայով:
Միջոցառման ներկայ եղած են նաեւ Քոմոթինի քաղաքի հայ համայնքի ներկայացուցիչներ` ի դէմս համայնքի ղեկավար Ստեփան Մաթէոսեանի:
