Հայաստանի Հանրապետութեան արտաքին գործերու նախկին նախարար Վարդան Օսկանեան քննարկումի մը ընթացքին յայտարարած է, թէ Լեռնային Ղարաբաղի հարցը փակուած չէ եւ մոռցուած չէ: Ցեղային զտում եւ ցեղասպանութիւն տեղի ունեցած է այդ հողամասին վրայ: Այդ պատճառով հայեր հեռացած են իրենց երկրէն: Հայկական պետութիւնը Արցախի կորուստով կորսնցուց իր պաշտպանութեան «ռազմավարական խորք»ը: Լեռնային Ղարաբաղը նաեւ կ’ապահովէր բանակցային խորք եւ անոր կորուստով մենք կորսնցուցինք այդ առաւելութիւնը:
Ըստ նախկին նախարարին, 9 Նոյեմբեր 2020-ի յայտարարութեան մէջ կար բանակցութեան պայմանը եւ միջնորդը: Երբ Հայաստան գնաց Պրիւքսէլ, սկսաւ հեռանալ այդ յայտարարութենէն ու միջնորդէն, որ Ռուսիան էր: Ուրեմն ինչ որ ստացանք ապագային արդիւնք է մեր վարած քաղաքականութեան, ըստ նախկին նախարարին: Արցախի հարցի վերաբացումը լուրջ բանակցային առաւելութիւն կու տայ հայկական կողմին բոլոր հարցերուն մէջ:
