Յորդանանի արտաքին գործերու նախարարը, խօսք առնելով Ռիատի մէջ տեղի ունեցող տնտեսական համաժողովի ընթացքին, յայտարարեց, թէ Իսրայէլի վարչապետ Պենիամին Նեթանիահու չ’ուզեր խաղաղութիւն եւ Իսրայէլ վերածուեցաւ վտարուած երկրի մը: Ըստ անոր, Նեթանիահու շրջանը կ’առաջնորդէ շրջանային պատերազմի մը:
Ըստ անոր, ներկայիս եօթը հազար գաղութավայրեր կան գրաւեալ Պաղեստինի մէջ, ինչ որ կը խեղդէ յոյսը պաղեստինեան պետութեան մը գոյութեան: Թոյլ պէտք չէ տրուի Նեթանիահուին՝ շրջանը առաջնորդելու կործանումի: Միակ լուծումը երկու պետութեան գոյութիւնն է: Իսրայէլ պէտք է յայտարարէ իր ընդունումը այդ առաջարկին:
Միւս կողմէն, Եգիպտոսի արտաքին գործերու նախարարը յայտարարեց, թէ 70 տարի տեւած բռնութեան հոլովոյթը պէտք է դադրի: «Համաս» պէտք է մաս կազմէ պաղեստինեան պետութեան կարգ մը պայմաններու համաձայն:
