Կազայի պատերազմին դէմ բողոքի շարժումը շարունակուեցաւ ու Ֆրանսայի «Սորպոն» համալսարանին մէջ ուսանողներ վրաններ լարեցին ու «Պաղեստինը ազատ է» բացագանչութիւններ արձակեցին: ԱՄՆ-ի մէջ սկսած ուսանողական բողոքի շարժումը հասած էր Փարիզի քաղաքական գիտութեան համալսարան: «Սորպոն»ը երկրորդ համալսարանն է Ֆրանսայի մէջ, ուր սկսած է բողոքի շարժումը: Ֆրանսայի ձախակողմեան «Արժանապատիւ Ֆրանսա» կուսակցութեան առաջնորդ Մաթիլտ Փանօ իր կուսակցութեան նեցուկը արտայայտած էր ուսանողական բողոքի շարժումին:
