Երեսփոխան Աշրաֆ Ռիֆի յայտարարեց, թէ Մաարապի մէջ գումարուած ժողովը կը նմանի Պէյրութի «Պրիսթոլ» պանդոկի ժողովին, որ դրաւ սկիզբը սուրիական ուժերու Լիբանանէն հեռացումի պահանջին: Ըստ Ռիֆիի, այս ժողովը պիտի նշէ մեկնարկը Հըզպալլայի զէնքը յանձնելու հոլովոյթին: Հարիւր պետական անձանաւորութիւններու հաւաքուիլը մէկ տեղի մէջ կը նշանակէ շրջադարձ մը Լիբանանի մէջ իրանեան ազդեցութեան դէմ: Այս ժողովին Հըզպալլային ըսուեցաւ, թէ բաւ է այլեւս: Այս է պատճառը որ Հըզպալլա բուռն յարձակում կատարեց այս ժողովին վրայ: Ըստ Ռիֆիի, Մ.Ա.Կ.-ի թիւ 1701 որոշումը բաւարար է պաշտպանելու համար Լիբանանը: Պէտք չկայ Հըզպալլայի զէնքին՝ երկիրը պաշտպանելու համար:
