Ըստ քուէյթեան «Ալ Ժարիտա» օրաթերթին, ԱՄՆ սկսած է շինել մեծ խարիսխ մը հարաւային Իսրայէլի մէջ, մեծ հաւանականութեամբ հոն փոխադրելու համար Ծոցի երկիրներուն մէջ գտնուող իր ուժերէն մաս մը:
Նոր խարիսխը կը գտնուի Նեկեւի անապատին մէջ, «Հեցարիմ» օդային խարիսխին մօտ: Նոր խարիսխը կրնայ ընդունիլ 23 հազար զինուոր: Այդ խարիսխը պիտի փոխադրուին ամերիկեան նոր զինատեսակներ, որոնք տակաւին չեն գործածուած որեւէ պատերազմի մէջ: Այս պատրաստութիւնը կը կատարուի Կազայի պատերազմը չդադրելու պարագային, Իրանի, Իրաքի, Սուրիոյ եւ Հըզպալլայի դէմ ճակատի ընդարձակումի պարագային հարուածներ հասցնելու համար այդ ճակատին:
Ըստ նոյն աղբիւրին, Իսրայէլ ալ իր կողմէ կը պատրաստուի հարուածելու Հըզպալլան ու Իրանի դաշնակից ճակատը Սուրիոյ եւ Իրաքի մէջ: Սուրիոյ նախագահին երեք ամիս պայմանաժամ տրուած է իրանեան ազդեցութիւնը նուազեցնելու համար իր երկրին մէջ ու Իրանի համակիր խմբաւորումներու աստիճանական հեռացումին այդ երկիրէն, որպէսզի որեւէ վտանգ չսպառնայ Իսրայէլին ու Հըզպալլային ղրկուած օժանդակութեան դադրեցումը:
