Ռուսերը Արցախէն հեռացան, որովհետեւ տարածաշրջանին մէջ անոնց համար գործառոյթներ չէին մնացած: Այս մասին յայտնեց Ռուսիոյ նախագահութեան բանբեր Տմիթրի Փեսքով՝ աւելցնելով, որ այս հնարաւոր դարձաւ Ատրպէյճանի սահմանը ճանչնալու երեւանի որոշումի լոյսին տակ: «Այնտեղ փոխուած են աշարհաքաղաքական իրողութիւնները եւ խաղաղապահներուն պարտականութիւնները սպառած են», ըսաւ Փեսքով:
Արցախի նախկին նախագահ Աշոտ Ղուլեան կարծիք յայտնեց, թէ խաղաղապահներու հեռացումը անպայման չի նշանակեր ամբողջ զօրախումբին հեռացումը:
Նշենք, որ խաղաղապահները երէկ շարունակեցին դուրս գալ Արցախէն` Ատրպէյճանի եւ Հայաստանի վրայով: Գերմանական «Bild» թերթը նշեց, որ ռուս զինուորները գուցէ Արցախէն անցնին Ուքրանիա:
