Քանի մը շաբաթ տարածուած տարաձայնութիւններէն եւ շշուկներէն ետք, Կրթութեան նախարարութեան ընդհանուր տնօրէնի պաշտօնակատար Իմատ Շուքէյր երէկ պաշտօնապէս հրապարակեց պետական քննութիւններուն ժամանակացոյցը: Նախարարին ստորագրութիւնը կրած յայտարարութեան մէջ կը նշուի, որ միջնակարգի (պրէօվէ) պետական քննութիւնները տեղի պիտի ունենան չորս յաջորդական օրերու ընթացքին` 24-27 Յունիսին, իսկ երկրորդականի (պաքալորիա) քննութիւնները պիտի տեւեն հինգ օր` 29 Յունիսին եւ 1, 2, 4 եւ 5 Յուլիսին:
