Հայաստանի վարչապետ Նիկոլլ Փաշինեան ընդունեց Կովկասի եւ Վրաստանի ճգնաժամի հարցերով Եւրոմիութեան յատուկ ներկայացուցիչ Թոյվօ Քլաարը, որուն հետ արծարծեց մասնաւորաբար հայ-ատրպէյճանական սահմանազատումի բանակցութիւններն ու գոյացած համաձայնութիւնները: Զրուցակիցները անդրադարձան նաեւ Հայաստան-Եւրոմիութիւն զարգացող յարաբերութիւններուն` զանազան ոլորտներու մէջ: Քլաար նոյն նիւթերը քննարկեց նաեւ արտաքին գործերու նախարար Արարատ Միրզոյեանի հետ:
Նոյն ծիրին մէջ, Արաբական Միացեալ Էմիրութիւններու Արտաքին գործերու նախարարութիւնը ողջունեց Հայաստանի եւ Ատրպէյճանի միջեւ սահմանազատումի համաձայնութեան յանգելու որոշումը, աւելցնելով որ այդ կրնայ ամրապնդել երկխօսութեան կամուրջները եւ խաղաղութիւն պարգեւել տարածաշրջանին:
