Հայաստանի կողմէ զինատեսակներու ձեռքբերումը միտուած է տարածաշրջանին մէջ սպառազինութեան խախտուած հաւասարակշռութեան վերականգնման:
Այս մասին ըսաւ Ազգային Ժողովի Պաշտպանութեան եւ Անվտանգութեան հարցերու յանձնաժողովի նախագահ Անդրանիկ Քոչարեանը լրագրողներու հետ զրոյցին:
«Մենք հիմա կեդրոնացած ենք պաշտպանական խնդիրներու լուծմամբ՝ ըլլայ ճարտարապետական բնոյթի, հակաօդային պաշտպանութեան: Մեր ձեռքբերած կամ ձեռքբերուելիք զինատեսակները միտուած են տարածաշրջանին մէջ սպառազինութեան խախտուած հաւասարակշռութեան կարգաւորման, որովհետեւ անոր խախտումն էր, որ հակառակորդին տուաւ հնարաւորութիւն՝ անցնիլ ռազմական գործողութիւններու, մէկ անգամ՝ 2016 թուականին, լայնամասշտաբ՝ 2020-ին», ըսաւ Քոչարեան:
Ան կը կարծէ, որ եթէ Զինուած ուժերը իր բարեփոխումներու ծաւալը շարունակական դարձնէ, ոչ միայն հաւասարակշռութիւըն պիտի վերականգնուի, այլ նաեւ բանակին մէջ ծառայողները պիտի ունենան այդ ամէնը տնօրինելու հմտութիւններ: Անոր միտուած են նաեւ բազմաթիւ այլ ծրագրեր:
