Հայաստանի պետական սիմֆոնիկ նուագախումբը հրաւիրուած է մասնակցելու 9-13 Մայիսին Տուպայի մէջ կայանալիք Ֆիլմերու երաժշտութեան փառատօնին։
Սիմֆոնիկ նուագախումբը, որպէս փառատօնի պաշտօնական նուագախումբ, պիտի ունենայ 5 համերգ, որոնց ընթացքին պիտի հնչեն յայտնի ֆիլմերու սիրուած մեղեդիները։
Փառատօնի ծիրին մէջ 9-10 Մայիսին համերգային երեկոներ պիտի նուիրուին իտալացի կերաժշտահան, «Օսքարի» կրկնակի եւ «Ոսկէ Կլոպուսի» եռակի դափնեկիր, առասպելական Էնիօ Մորիքոնէի ֆիլմի երաժշտութեան։
Հայաստանի պետական սիմֆոնիկ նուագախումբը եւ փառատօնի երգչախումբը պիտի ղեկավարէ Մարիքոնէի որդին՝ խմբավար Անտրէա Մարիքոնէն։
11 Մայիսին հրաւիրուած համերգը կը կրէ «Աստղային պատերազմներ» խորագիրը, որուն ընթացքին պիտի հնչէ ամերիկացի երաժշտահան Ճոն Ուիլիամզի գրած ֆիլմի երաժշտութիւնը։
12 Մայիսին պիտի հնչեն գերմանացի երաժշտահան, «Օսքար» մրցանակի դափնեկիր, «Ոսկէ Կլոպուսի» մրցանակակիր եւ «Կրեմի» մրցանակի եռակի դափնեկիր Հանս Ցիմերի՝ ֆիլմերու համար գրուած մեղեդիները։
Այս երկու համերգները պիտի ղեկավարէ Անթոնի Կապրիէլը։
13 Մայիսին կայանալիք համերգը պիտի ներկայացնէ Չարլի Չափլինի ֆիլմերու երաժշտութիւնն ու ունկնդիրին պիտի փոխանցէ համր ֆիլմի հմայքը։ Երեկոն պիտի ղեկավարէ խմբավար Թիմըթի Պրոքը։
Համերգները պիտի կայանան Տուպայի օփերային մէջ։
