Եւրոպական խորհրդարանի 24 պատգամաւոր՝ այդ շարքին՝ Արտաքին յարաբերութիւններու յանձնաժողովի Անվտանգութեան եւ պաշտպանութեան ենթայանձնաժողովի նախագահ Նաթալի Լուազօն Եւրոպական յանձնաժողովի նախագահ Ուրսուլա ֆօն տեր Լայենին եւ Միացեալ Նահանգներու արտաքին գործերու նախարար Անթոնի Պլինքընին կոչ կ՛ընեն ապահովելու Հայաստանի անվտանգութիւնը։
Այս մասին X-ի իր էջի գրառմամբ յայտնած է Նաթալի Լուազօն։
«Մինչ Եւրոպական միութիւնն ու Միացեալ Նահանգները կ՛ուժեղացնեն իրենց աջակցութիւնը Երեւանին, մենք՝ Եւրոխորհրդարանի 24 պատգամաւորներս, կոչ կ՛ընենք Ուրսուլա ֆօն տեր Լայենին եւ Անթոնի Պլինքընին ապահովելու Հայաստանի անվտանգութիւնը», նշուած է գրառման մէջ։
