Արտաքին գործերու նախարար Արարատ Միրզոյեան Երեւանի մէջ հաւատարմագրուած Եւրոմիութեան անդամ երկիրներու դեսպաններուն երկայացուց Հայաստանի եւ Ատրպէյճանի յարաբերութիւններու կարգաւորումին նորագոյն զարգացումները: Արտաքին գործերու նախարարութեան բանբեր Անի Պատալեան նախապէս յայտնած էր, որ Երեւան պատասխանած է խաղաղութեան պայմանագրի նախագիծին վերաբերեալ ատրպէյճանական կողմի վերջին առաջարկներուն: Ան կը խօսէր պայմանագրի նախագիծին շուրջ առաջարկներու 8-րդ խմբագրութեան մասին: Նախարար Միրզոյեան վերջերս յայտնած էր, որ Երեւանն ու Պաքուն որոշ համաձայնութիւններու յանգած են խաղաղութեան պայմանագրի բանակցութիւններուն մէջ, սակայն տակաւին տարակարծիք են հիմնական երկու հարցի վերաբերեալ՝ տարածքային ամբողջականութեան փոխադարձ ճանաչումի եւ հետագայ սահմանազատումի հոլովոյթին:
(9-Փաշինեան, 10-Սիմոնեան, 11-Միրզոյեան)
