Տար Ֆաթուան երէկ երեկոյեան յայտարարեց, թէ Չորեքշաբթի օրը պիտի ըլլայ Ֆիթրի տօնին առաջին օրը եւ պիտի նշուի կեդրոնական Պէյրութի Մոհամմատ Ամին մզկիթին մէջ: Նախապէս, Սէուտական Արաբիա, Արաբական Միացեալ Էմիրութիւններ, Պահրէյն եւ Քուէյթ յայտարարած էին, որ կարելի չէ եղած նկատել լուսնի նոր մահիկը, ոստի Ռամատան ամիսը պիտի ամբողջանայ այսօր եւ վաղը առաւօտեան պիտի նշուի Ֆիթրի տօնը: Կրթութեան նախարարն ալ քանի մը օր առաջ յայտնած էր, որ վարժարաններուն արձակուրդը կը սկսի Ֆիթրի առաջին օրը եւ կը շարունակուի մինչեւ Կիրակի գիշեր:
