Լիբանանեան բանակը երէկ գիշեր հաղորդագրութեամբ մը յայտարարեց նախանցեալ օր Ժըպէյլ գաւառին մէջ առեւանգուած՝ Լիբանանեան ուժեր կուսակցութեան համակարգող Փասքալ Սլէյմանի ճակատագիրը: Բանակին համաձայն, ձերբակալուած առեւանգողները հարցաքննութեան ընթացքին յայտնած են, որ մինչ կը փորձէին գողնալ Սլէյմանի ինքնաշարժը, տեղի ունեցած է միջադէպ ու ան սպաննուած է, ապա անոր մարմինը փոխադրած են Սուրիա: Բանակը յայտարարեց, որ կը հաղորդակցի սուրիական համապատասխան մարմիններուն հետ՝ զոհին մարմինը Լիբանան վերադարձնելու համար:
