Հարաւի սահմանային գօտիին վրայ շարունակուող ռմբակոծութեան զուգահեռ, երէկ վերստին միջադէպ տեղի ունեցաւ շրջանի բնակիչներուն եւ ԵՈՒՆԻՖԻԼ-ի խաղաղապահ ուժերուն միջեւ: Խնդիրը սկսաւ, երբ խաղաղապահ ֆրանսական ուժերու շրջուն ջոկատ մը մուտք գործեց Պինթ Ժըպէյլի Թիրի գիւղը, առանց լիբանանեան բանակի ընկերակցութեան: Ուստի բնակիչները զայրացան, երբ խաղաղապահները մօտեցան գիւղի ներքին փողոցներուն եւ ճամբաները փակելով խափանեցին ԵՈՒՆԻՖԻԼ-ի խաղաղապահներուն շարժումերը, մինչեւ լիբանանեան բանակի ժամանումը եւ հարցի լուծումը:
