Հայաստանի Հանրապետութեան պաշտպանութեան նախարար Սուրէն Պապիկեան ՀՀ ՊՆ Վազգէն Սարգսեանի անուան ռազմական ակադեմիային մէջ ընդունած է մեծանուն բարերար Տիգրան Իզմիրլեանի որդին` Սարգիս Իզմիրլեանը:
Սուրէն Պապիկեանը շնորհաւորած է Սարգիս Իզմիրլեանը` իր հօր` Տիգրան Իզմիրլեանի` Հայաստանի ազգային հերոսի կոչման արժանանալու առիթով:
Քննարկուած են շարք մը ծրագրերու շուրջ համագործակցութեան առնչուող հարցեր:
Պաշտպանական գերատեսչութեան ղեկավարը Սարգիս Իզմիրլեանին նաեւ ներկայացուցած է ՀՀ զինուած ուժերուն, այդ շարքին` Վազգէն Սարգսեանի անուան ռազմական ակադեմիային մէջ ընթացող լայնածաւալ բարեփոխումներուն ընթացքը:
