Հարաւային Լիբանանի մէջ գործող ԵՈՒՆԻՖԻԼ-ի խաղաղապահ ուժերու բանբեր Անտրէա Թենանթի յայտնեց, որ հակառակ ռազմական դրութեան, խաղաղապահները կը շարունակեն իրենց առաքելութիւնը, շրջուն ջոկատներով կը դիտարկեն իրավիճակը հարաւային շրջաններուն մէջ եւ աշխատանք կը տանին հանդարտեցնելու կացութիւնը: Անոր խօսքով, սահմանային Ռմէյշի մէջ քանի մը օր առաջ տեղի ունեցած անծանօթ պայթումին նախնական հետաքննութիւնը ցոյց տուաւ, որ ան ուղղակի կամ անուղղակի կրակոցի հետեւանք չէր: Իսկ իսրայէլեան բանակի բանբեր Աւիխայ Ատրահի յայտնեց, թէ 30 Մարտին տեղի ունեցած եւ խաղաղապահներ վիրաւորած միջադէպին պատճառը խորքին մէջ Հըզպալլայի ցանած ականներէն մէկուն պայթումն էր:
