Իսրայէլի պաշտպանութեան նախարար Եոավ Կալանթ յայտնեց, որ իրենք Հարաւային Լիբանանի ճակատին վրայ կը նախընտրեն յանգիլ բանակցային լուծումի եւ համաձայնութեան, սակայն միշտ կը պատրաստուի ընդարձակ պատերազմի: «Ըստ երեւոյթին մեր հիւսիսային ճակատին վրայ լուծումը պիտի ըլլայ պատերազմի տարբերակով: Լիբանանի դէմ պատերազմը մեզի համար ծանր պիտի ըլլայ, սակայն Հըզպալլային եւ Լիբանանին համար՝ կործանարար», ըսաւ Կալանթ: Պատասխանելով Թեհրանէն հնչած սպառնալիքներուն, իսրայէլացի նախարարը շեշտեց, որ իրենք պատրաստ են որեւէ ընտրանքի եւ որեւէ վտանգի: Իսկ իսրայէլեան պատերազմի սեղմ կառավարութեան անդամներէն Պենի Կանց յայտնեց, որ իրենց նպատակը պէտք է ըլլայ Լիբանանի սահմանամերձ շրջաններու բնակիչները այս ամառ ապահով տուն վերադարձնելը:
