Հայաստանի Ազգային ժողովի նախագահ Ալէն Սիմոնեան ընդունած է Ֆրանսայի Հանրապետութեան Ազգային ժողովի Ֆրանսա-Հայաստան բարեկամական խումբի ղեկավար Անն-Լորանս Փեթելի գլխաւորած պատուիրակութիւնը:
Հանդիպման սկիզբը Ալէն Սիմոնեան շնորհակալութիւն յայտնած է ֆրանսացի գործընկերներուն Հայաստան այցելութեան համար եւ նշած, որ նման այցերը մեծ քաղաքական եւ անվտանգային նշանակութիւն ունին:
Անն-Լորանս Փեթելը բարձր գնահատած է Հայաստանի հետ հաստատուած միջխորհրդարանական յարաբերութիւնները եւ ընդգծած, որ մեծաքանակ բարեկամական խումբի կազմին մէջ ներկայացուած են բոլոր խմբակցութիւններուն ներկայացուցիչները, որոնք ունին Հայաստանին աջակցութեան վերաբերեալ համախոհութիւն:
Անդրադառնալով Հայաստան-ԵՄ համագործակցութեան` կողմերը ընդգծած են յարաբերութիւններու զարգացման դրական յարաշարժութիւնը:
«Հայաստանը խորապէս կը կարեւորէ ԵՄ դիտորդական առաքելութեան տեղակայումը Հայաստան-Ատրպէյճան սահմանին: Այն մեծ նշանակութիւն ունի տարածաշրջանին մէջ խաղաղութեան եւ անվտանգութեան հաստատման հարցով», նշած է ԱԺ նախագահը:
Ալէն Սիմոնեան ֆրանսացի գործընկերներուն ներկայացուցած է Հարաւային Կովկասի մէջ առկայ անվտանգային իրավիճակը, Լեռնային Ղարաբաղէն տեղահանուած անձերու մարդասիրական խնդիրները, Ատրպէյճանի մէջ պահուող հայ ռազմագերիներու վերադարձին հարցը:
Քննարկուած են Հայաստան-Ֆրանսա համագործակցութեան զարգացման հեռանկարները միջխորհրդարանական, ինչպէս նաեւ անվտանգային, տնտեսական եւ այլ ոլորտներու մէջ:
Հանդիպման մասնակցած է նաեւ Հայաստան-Ֆրանսա բարեկամական խումբի ղեկավար Վլատիմիր Վարդանեանը:
