Ն.Ս.Օ.Տ.Տ. Գարեգին Բ. ծայրագոյն պատրիարք եւ Ամենայն Հայոց կաթողիկոսը ցաւակցագրեր յղած է Ռուսաստանի Դաշնութեան նախագահ Վլատիմիր Փութինին եւ Մոսկուայի եւ Համայն Ռուսիոյ Քիրիլ պատրիարքին Մերձմոսկուայի Քրասնոկորսք քաղաքի «Գրոգուս Սիթի Հոլ» համերգասրահին մէջ տեղի ունեցած ահաբեկչութեան առնչութեամբ։
Խստօրէն դատապարտելով անմարդկային ոճրագործութիւնը` Ամենայն Հայոց կաթողիկոսը Գերագոյն հոգեւոր խորհուրդին, հոգեւոր դասին եւ հաւատաւոր հայ ժողովուրդին անունով խորին վշտակցութիւն յայտնած է Ռուսիոյ նախագահին, Ռուս Ուղղափառ Եկեղեցւոյ Հովուապետին եւ Ռուսաստանի ամբողջ ժողովուրդին։
Վեհափառ Հայրապետը հայցած է, որ Ամենողորմ Աստուած երկնային օթեւաններուն մէջ հանգչեցնէ զոհուած քաղաքացիներուն հոգիները, Սուրբ Հոգիով մխիթարէ բոլոր սգաւորները եւ շուտափոյթ ապաքինում պարգեւէ բոլոր տուժածներուն։
