Կ՛ԸՍԷ ՄԻՐԶՈՅԵԱՆ
Հայաստանի արտաքին գործերու նախարար Արարատ Միրզոյեան Ղազախիստանի արտաքին գործերու նախարար Մուրատ Նուրթլէուին ներկայացուցած է Հարաւային Կովկասի մէջ տիրող իրավիճակը եւ Հայաստանի եւ Ատրպէյճանի միջեւ յարաբերութիւններու կարգաւորման գործընթացը։
Ղազախիստանի արտաքին գործերու նախարարին հետ Երեւանի մէջ կայացած հանդիպումէն յետոյ այս մասին յայտնեց ՀՀ արտաքին գործերու նախարար Արարատ Միրզոյեանը։
«Եւս մէկ անգամ հնարաւորութիւն ունեցայ ընդգծելու, որ Հայաստանը նուիրուած եւ հաւատարիմ է խաղաղութեան օրակարգին եւ կը գործադրէ բոլոր ջանքերը Ատրպէյճանի հետ խաղաղութեան պայմանագրի ստորագրման համար՝ հիմնուած տարածքային ամբողջականութեան փոխադարձ ճանաչման եւ սահմաններու հետագայ սահմանազատման վրայ։ Գաղտնիք չէ, որ այս հարցերուն մէջ առանցքային է 1991 թուականի Ալմա-Աթայի հռչակագիրը, որով Խորհրդային միութեան նախկին հանրապետութիւնները ճանչցած են նորանկախ հանրապետութիւններուն միջեւ միջազգային պետական սահմանները։ Ինքնիշխանութիւնը եւ տարածքային ամբողջականութիւնը հիմնական սկզբունքներն են, որոնց հիման վրայ կը պատկերացնենք խաղաղութիւնը եւ ներդաշնակութիւնը Հարաւային Կովկասի եւ շատ աւելի լայն տարածաշրջանին մէջ», ընդգծեց Միրզոյեան։
