Հայաստանը եւ Ղազախիստանը կը շարունակեն աշխուժօրէն զարգացնել երկկողմ համագործակցութիւնը ինչպէս արտաքին քաղաքական, այնպէս ալ առեւտրատնտեսական, մշակութային եւ մարդասիրական բնագաւառներուն մէջ։
Ղազախստանի Հանրապետութեան արտաքին գործերու նախարար Մուրատ Նուրթլէուն հայաստանի Հանրապետութեան արտաքին գործերի նախարար Արարատ Միրզոյեանի հետ համատեղ ասուլիսի ժամանակ ըսաւ այս մասին։
Ղազախիստանի արտաքին գործերու նախարարը նախ շնորհակալութիւն յայտնեց Հայաստանի արտաքին գործերու նախարար Արարատ Միրզոյեանին հիւրընկալութեան համար՝ ընդգծելով, որ իր համար շատ մեծ պատիւ է այցելել Հայաստան։
«Հայաստանը եւ Ղազախիստանը գործընկեր երկիրներ են։ Մենք դարերով պահպանած ենք փոխադարձ յարգանքի եւ աջակցութեան արժէքները։ Մեզի համար Երեւանը յատուկ դեր կը խաղայ ինչպէս ԱՊՀ-ի, այնպէս ալ Հարաւային Կովկասի մէջ։ Մեր երկիրները տարուէ-տարի կը շարունակեն աշխուժօրէն զարգացնել համագործակցութիւնը ինչպէս արտաքին քաղաքական, այնպէս ալ առեւտրատնտեսական, մշակութային եւ մարդասիրական բնագաւառներուն մէջ։ Ամենակարեւորը այն է, որ մեր երկկողմ յարաբերութիւնները բարեկամական ազգերուն բնորոշ մակարդակի են։ Մենք շարունակաբար կ՛աջակցինք իրարու եւ ունինք փոխադարձ յարգանք եւ վստահութիւն», ընդգծեց Ղազախիստանի արտաքին գործերու նախարարը՝ շեշտելով, որ Հայաստանն ու Ղազախիստանը աշխուժօրէն կ՛աշխատին այս հարստութիւնը մեծցնելու համար։
Մուրատ Նուրթլէուի հաւաստիացմամբ՝ Հայաստանն ու Ղազախիստանը վստահ են այն բանին, որ երկու կողմերուն միջեւ շարունակական կառուցողական աշխատանքը միանշանակ պիտի յաջողի։
«Անոր մասին կը վկայէ ամենաբարձր մակարդակով համագործակցութիւնը եւ կառուցողական երկխօսութիւնը։ Վերջին շրջանին միջկառավարական յանձնաժողովներու, խորհրդարանական բարեկամական խումբերուն միջեւ համակցուած աշխատանքը իր արդիւնքը կու տայ։ Շարունակելով զարգացնել մեր առեւտրատնտեսական ծրագրերը՝ այս պահի դրութեամբ կը քննարկենք հայ-ղազախական ձեռնարկատիրական խորհուրդի ստեղծումը», ընդգծեց Ղազախիստանի արտաքին գործերու նախարարը։
Նախարարին կարծիքով՝ Ասթանան ու Երեւանը բաց են իրենց քաղաքական մօտեցումներուն մէջ, առկայ են բազում հնարաւորութիւններ առեւտրա-տնտեսական բնագաւառին մէջ։
«Մեր ազգերու մշակութային եւ մարդասիրական կապի հիմքը չափազանց ուժեղ է։ Մեզի անհրաժեշտ է պահպանել այդ եւ փոխանցել յաջորդ սերունդներուն», եզրափակեց Մուրատ Նուրթլէուն։
