Կ’ԸՍԷ ՎՐԱՍՏԱՆԻ ԱՐՏԱՔԻՆ ԳՈՐԾԵՐՈՒ ՆԱԽԱՐԱՐԸ
Պաքուի մէջ, 15 Մարտին, տեղի ունեցած Թուրքիոյ, Վրաստանի եւ Ատրպէյճանի արտաքին գործերու նախարարներու 9-րդ եռակողմ հանդիպման ծիրին մէջ, Վրաստանի արտաքին գործերու նախարար Իլիա Տարչիաշվիլին անդրադարձած է նաեւ Հայաստան-Ատրպէյճան յարաբերութիւններիու:
Դարչիաշվիլին յոյս յայտնած է, որ Հայաստանն ու Ատրպէյճանը շուտով խաղաղութեան պայմանագիր կը ստորագրեն:
«Երկու երկիրներն ալ Վրաստանի մեծագոյն առեւտրային գործընկերներն են։ Քննարկուած է համագործակցութիւնը քաղաքական, տնտեսական, առեւտրային, պաշտպանական, մշակութային, փոխադրութեան եւ ուժանիւթի ոլորտներուն մէջ։ Ի հարկէ, մենք յատուկ ուշադրութիւն դարձուցած ենք տարածաշրջանին մէջ տեղի ունեցող գործընթացներուն եւ մարտահրաւէրները յաղթահարելու մեր համատեղ ջանքերուն», ըսած է ան:
Իլիա Տարչիաշվիլին ընդգծած է, որ Վրաստանը վճռականօրէն կ’աջակցի Հարաւային Կովկասի մէջ խաղաղ գոյակցութեան եւ պատրաստ է նպաստելու տարածաշրջանին մէջ խաղաղութեան եւ կառուցողական համագործակցութեան խթանման գործընթացին։
«Մենք յոյսով ենք, որ Ատրպէյճանն ու Հայաստանը շուտով համաձայնութեան կու գան եւ կը ստորագրեն խաղաղութեան համաձայնագիր, որ շրջադարձային պիտի դառնայ տարածաշրջանին մէջ կայուն խաղաղութան համար», ըսած է Վրաստանի արտաքին գործերու նախարարը:
