Ֆրանսայէն Հայաստան նախորդ տարի արձանագրուած է բարձրաստիճան այցերու աննախադէպ քանակ: Այս մասին ըսաւ Հայաստանի արտաքին գործերու նախարար Արարատ Միրզոյեան՝ Ազգային ժողովի Արտաքին յարաբերութիւններու յանձնաժողովի նիստին Հայաստանի Հանրապետութեան կառավարութեան ծրագրի (2021-2026 թթ.) 2023 թուականի կատարման ընթացքի եւ արդիւնքներու մասին զեկոյցի քննարկման:
«Հայաստան-Ֆրանսա յարաբերութիւնները առանձնաշնորհեալ բնոյթ կը կրեն: Հաշուետու տարուան մէջ եղած է Հայաստանի վարչապետի եւ Ֆրանսայի նախագահի հինգ հանդիպում: Նաեւ Ֆրանսայէն բարձրաստիճան այցերու աննախադէպ քանակ ունինք: Այս առումով մեր շփումները գերազանցած են քաղաքական երկխօսութեան աւանդական ցուցանիշերը», ըսաւ Միրզոյեան:
Ֆրանսայի ԱԺ նախագահը այցելած է Հայաստան, այդ Ֆրանսայի ԱԺ նախագահի մակարդակով առաջին այցն էր: Ֆրանսայի արտաքին գործերու նախարարը տարուան ընթացքին երկու անգամ այցելած է Հայաստան: Տարուան ընթացքին եղած են նախարարներու փոխայցեր:
Միրզոյեան յիշեցուց, որ Սիւնիքի մարզի աշխարհաքաղաքական խոցելիութեան առումով Ֆրանսան կարեւոր որոշում կայացուցած: Օգոստոսին յայտարարեցին, որ հիւպատոսական գրասենեակ պիտի բանան Գորիսի մէջ: Հայաստանի մէջ բացուեցաւ Ֆրանսայի պաշտպանական առաքելութիւն, խօսքը ռազմական կցորդի մասին է:
Աշխուժօրէն կը շարունակուին նաեւ հայ-ֆրանսական տնտեսական համագործակցութեան ընդլայնման ուղղուած 2021-2026 թթ ճանապարհային քարտէզի շուրջ քննարկումները:
