Հայաստանի ելեւմուտքի նախարար Վահէ Յովհաննիսեան ընդունած է Արժոյթի միջազգային հիմնադրամի (ԱՄՀ) առաքելութիւնը: Առաքելութիւնը Հայաստանի մէջ կը գտնուի պահուստային ծրագրի երրորդ վերանայման ծիրին մէջ:
Ծրագրով նախատեսուած միջոցառումները ուղղուած են հարկապիւտճէտային եւ դրամավարկային քաղաքականութիւններու, ֆինանսական ոլորտի, ինչպէս նաեւ ենթակառուցուածքներու, գործարար միջավայրի եւ աշխատաշուկայի ոլորտներուն մէջ բարեփոխումներու իրականացման:
Նախարար Յովհաննիսեան շնորհակալութիւն յայտնած է ԱՄՀ գործընկերներուն Հայաստանի կառավարութեան կարեւոր բարեփոխումներուն աջակցելու պատրաստակամութեան եւ առկայ արդիւնաւէտ համագործակցութեան համար:
Նախարարը նաեւ բարձր գնահատած է ծրագրի շրջանակներուն մէջ բարեփոխումներու իրականացման ուղղութեամբ Արժոյթի միջազգային հիմնադրամին կողմէ տրամադրուող բազմոլորտ արհեստագիտական աջակցութեան հասանելիութիւնը:
