Ըստ Միացեալ Նահանգներու գաղտնի գործակալութեան տարեկան տեղեկագրին, Արցախի գրաւումը Ատրպէյճանի կողմէ նուազեցուցած է լարուածութիւնը Հայաստանի Հանրապետութեան եւ Ատրպէյճանի միջեւ: Լարուածութիւն տակաւին գոյութիւն ունի, սակայն որեւէ բախում երկար պիտի չտեւէ, ըստ տեղեկագրին:
Հաշտութեան համաձայնագիր չկայ տակաւին: Զինադադարի հսկող մարմիններ ազդու ներկայութիւն չունին սահմանին վրայ: Զինեալ ուժերը շատ մօտ են իրարու: Ատրպէյճան պատրաստ է զինեալ ճնշում բանեցնելու Հայաստանի վրայ՝ անկէ զիջումներ ստանալու համար: Արցախի մէջ իշխանութեան փոխանցումը ատրպէյճանցիներուն պիտի աւելցնէ պահանջքը Ատրպէյճանին՝ անցք ստանալու համար դէպի Նախիջեւան:
Ըստ նոյն տեղեկագրին, Արցախի բնակչութեան գաղթը եւ հոն հսատատուած հայկական իշխանութեան լուծուիլը արագացուցին այս շրջանի հարցին Հայաստան-Ատրպէճան բանակցութեան օրակարգէն դուրս ելլելը:
