Քաթարի Արտաքին գործերու նախարարութեան խօսնակը յայտարարեց, թէ իրենք կոչ կ’ուղղեն բանալու կարգ մը անցքեր՝ Կազային մարդասիրական օժանդակութիւն հասցնելու համար: Ան աւելցուց, որ ծովային անցքը չի կրնար փոխարինել ցամաքային անցքերը: Խօսնակը հասատատեց, որ Միացեալ Նահանգներ մեծ դեր ունի կատարելիք այս տագնապի լուծումին մէջ: Ան աւելցուց, որ տակաւին հեռու են որեւէ լուծումէ բանակցութեան պարագային:
Միւս կողմէ, «Համաս» շարժումի աղբիւր մը յայտարարեց, թէ կազմակերպութիւնը իր հաւանութիւնը տուած է ամերիկեան առաջարկի մը, որ կ’ընդգրկէ կին, ծերունի եւ երեխայ գերիներու ազատ արձակում, գաղթականներու աստիճանական վերադարձ եւ զինադադարի հաստատում բաւական երկար ժամանակամիջոցի մը համար: Կազմակերպութեան բանակցողները պիտի մեկնին Գահիրէ համաձայնութեան մանրամասնութիւնները սերտելու համար:
