Տնտեսութեան նորանշանակ նախարար Գէորգ Պապոյեան չի տեսնում որեւէ հիմնաւոր եւ առարկայական պատճառ, որ կրնայ խոչընդոտել հայկական բեռնատարներու երթեւեկութիւնը Վերին Լարսի անցակէտով:
Նախարարը նշեց, որ պաշտօնական տեղեկատուութիւն չունի այն մասին, որ ռուսական կողմը փակած է Վերին Լարսի անցակէտը հայկական բեռնատարներուն համար:
«Պաշտօնապէս այդպիսի տեղեկատուութիւն չեմ ստացած: Հիմա չեմ տեսներ որեւէ հիմնաւոր եւ առարկայական պատճառ, թէ ինչու պէտք է Լարսը փակուի: Որեւէ քաղաքական, տնտեսական եւ աշխատանքային պատճառ չեմ տեսներ», յայտնեց Գէորգ Պապոյեանը:
Ան նկատեց նաեւ, որ Հայաստանը որեւէ երկրի հետ առեւտրատնտեսական կապերը զարգացնելու հարցով խնդիր չի տեսներ:
«Մենք ոչ մէկի դէմ ոչինչ ունինք, կողմ ենք Հայաստանի Հանրապետութեան: Եթէ Հայաստանի շահը կը պահանջէ, որ մեր ապրանքները վաճառուին արաբական երկիրներու, Եւրոպայի, Ռուսաստանի, ԱՄՆ-ի, Ճափոնի, Ասիոյ տարբեր երկիրներու մէջ, ուրեմն պէտք է ամէն ինչ ընենք, որ այդ բոլոր տեղերու մէջ վաճառենք՝ ըստ մեր հնարաւորութիւններուն», ընդգծեց նախարարը:
