Հայաստանը դիւանագիտական ներկայացուցչութիւն պիտի բանայ Կիպրոսի մէջ։ Մամուլի ասուլիսի ժամանակ այս մասին յայտարարեց Հայաստանի արտաքին գործերու նախարար Արարատ Միրզոյեանը։
«Որոշում ունինք մօտ ապագային դիւանագիտական ներկայացուցչութիւն բանալ Կիպրոսի մէջ։ Մենք ջանք պիտի չխնայենք, որ այդ կատարուի նոյն ինքն այս տարի։
Վստահ եմ, որ ամենալուրջ դիւանագիտական ներկայութիւնը, պաշտօնական ներկայութիւնը մայրաքաղաքներուն մէջ միմիայն պիտի կարենայ խրախուսել եւ նպաստել յարաբերութիւններու աւելի ամրապնդման», ընդգծեց Միրզոյեան։
