Ատրպէյճանի գրաւման իշխանութիւնները ապօրինի հռչակած են Արցախի անկախութեան տարիներուն կառուցուած բոլոր շէնքերը: Այդ շէնքերուն մաս կը կազմէր նաեւ Արցախի Հանրապետութեան խորհրդարանի շէնքը, որ քանդուեցաւ Ատրպէյճանի կողմէ: Ըստ Ատրպէյճանի իշխանութիւններուն, բոլոր այն շէնքերը, որոնք չեն համապատասխաներ Ստեփանակերտ քաղաքի նախկին յատակագիծին, պիտի քանդուին: Խորհրդարանի շէնքը կառուցուած էր 2007 թուականին, անկախութեան 16-ամեակին առիթով:
