Հայաստանի Հանրապետութեան նախագահ Վահագն Խաչատուրեան իր կեցավայրին մէջ ընդունած է Իրաքեան Քիւրտիստանի փոխվարչապետ Քուպաթ Թալապանին:
Հանդիպման ընթացքին քննարկուած են բարձր արհեստագիտութիւններու, թուային կառավարման, ուժանիւթի եւ մասնաւորապէս կանաչ ուժանիւթի շահագործման ոլորտներուն մէջ առկայ փոխգործակցային ներուժի իրականացման ուղղուած հարցեր։
Փոխվարչապետ Թալաւանին շեշտած է նորարարական կրթութեան բնագաւառին մէջ հայաստանեան յաջողութիւններու, մասնաւորապէս՝ «Արմաթ» եւ «Թումօ» կեդրոններու օրինակով լաւագոյն փորձի փոխանակման ուղղութեամբ քիւրտիստանեան կողմին հետաքրքրուածութիւնը։
Զրոյցի ընթացքին անդրադարձ կատարուած է ֆինանսական եւ դրամատնային համակարգերու ոլորտներուն մէջ առկայ իրադրութեան ու այս բնագաւառներուն մէջ հայաստանեան բարեփոխումներուն ու փորձառութեան հնարաւոր կիրառման։
Միտքեր փոխանակուած են առողջապահութեան, կրթութեան եւ գիտութեան ոլորտներուն մէջ համագործակցութեան խորացման, ինչպէս նաեւ ուսանողներու փոխանակման ծրագրերու հետագայ խթանման վերաբերեալ։
