Միջազգային իրաւունքի պաշտպանութեան «Freedom House» կազմակերպութիւնը իր տարեկան տեղեկագիրին մէջ հաստատած է, որ Ատրպէյճան ցեղային զտում կատարած է գրաւեալ Արցախի մէջ: Ըստ տեղեկագրին, վիճելի տարածքներու վրայ յարձակումը կ’աւելցնէ լարուածութիւնը ու այդ շրջանի բնակիչները կը դառնան ծաւալապաշտ քաղաքականութիւն վարող երկրի զոհ: Արցախի բնիկ 120 հազար հայեր ստիպուած լքեցին իրենց բնակավայրերը այս քաղաքականութեան պատճառով: Օտար դիտորդներ այս քաղաքականութիւնը կոչեցին ցեղային զտում:
Ըստ նոյն տեղեկագրին, Ատրպէյճանի միապետ Իլհամ Ալիեւ կրնայ յարձակիլ Հայաստանի վրայ իր ժողովրդականութիւնը բարձրացնելու համար:
