Գերմանիոյ մայրաքաղաք Պերլինի մէջ տեղի ունեցաւ ժողով մը Հայաստանի եւ Ատրպէյճանի արտաքին գործերու նախարարներուն միջեւ: Արարատ Միրզոյեան եւ Ճէյհուն Պայրամով ժողովէն ետք յայտարարեցին, թէ երկու երկիրներու պատուիրակութիւնները քննարկած են խաղաղութեան եւ միջպետական յարաբերութեան հաստատումի հարցերը: Կարծիքներ փոխանակած են համաձայնագիրի կէտերուն շուրջ: Անոնք նաեւ ժողով գումարած են Գերմանիոյ արտաքին գործերու նախարար Անալենա Պերպոքի հետ երկկողմ եւ եռակողմ:
