Եմէնի հուսիներու «Անսար Ալլա» շարժումի ղեկավարը յայտարարեց, թէ իրենք ունին անակնկալներ, որ թշնամիները չեն ակնկալեր: Ան գովասանքով խօսեցաւ Լիբանանի Հըզպալլա կուսակցութեան մասին, որ փոքր կառոյցէ մը վերածուեցաւ այսօրուան հզօր ուժին, որ դաս կրնայ ըլլալ բոլոր իսլամական աշխարհին:
Հուսի գովեց Կազայի մէջ պաղեստինեան դիմադրութեան շարժումը ու հասատատեց, որ ան լաւ օրինակ է բոլոր ազատատենչ շարժումներուն: Ան աւելցուց, որ ծովային պաշարումի սկիզբէն ի վեր 384 անօդաչու սարք եւ հրթիռ արձակած են դէպի Իսրայէլ ուղղուող նաւերու ուղղութեամբ:
Միւս կողմէ, Եմէնի լրատուական աղբիւրներ հաղորդեցին, որ ամերիկեան եւ բրիտանական օդուժերը ռմբակոծեցին Հուտէյտա նաւահանգիստին մօտակայ Քուէյզի շրջանը:
