Համաս շարժումէն ղեկավարներ յայտարարեցին, թէ գերիներու շուտափոյթ փոխանակումին առնչութեամբ վերջերս յայտնուած լաւատեսութիւնը չի համապատասխաներ իրականութեան, թէեւ պաղեստինեան կողմը դրականութիւն ցուցաբերած է միջնորդներուն հետ համագործակցութեան մէջ՝ վերջ տալու համար Կազայի բնակչութեան տառապանքին եւ ցեղասպանութեան: «Իսրայէլի վարչապետ Պենիամին Նեթանիահու կը խուսափի բռնարարքները դադրեցնելու եւ տեղահանուածներուն տունդարձը ապահովելու գլխաւոր պահանջներէն», «Ժազիրա» ցանցին յայտնեց Համասի պատասխանատուներէն մէկը, աւելցնելով որ Կազայի հիւսիսային հատուածի բնակչութիւնը սովի մատնելը կը համարուի հաւաքական սպանդ եւ կը վտանգէ բանակցային հոլովոյթը:
