Կ՛ԸՍԷ ՓԱՇԻՆԵԱՆ
Հայաստանի վարչապետ Նիկոլ Փաշինեան France 24-ին տուած հարցազրոյցին յայտնած է, որ Հայաստանի բանակին մէջ բարեփոխումները ոեւէ մէկը պէտք չէ անհանգստացնեն։
«Ատրպէյճանը ամէն անգամ մեծ աղմուկ կը բարձրացնէ ռազմատեխնիկական ոլորտին մէջ մեր որեւէ նոր համագործակցութեան պարագային, բայց Ատրպէյճանը չ՛ըսեր, որ ինք միլիառաւոր տոլարներու զէնք կը գնէ։ Եւ սա կարեւոր փաստ է արձանագրելու համար։ Ինչո՞ւ Ատրպէյճանը անհանգստացած է հայկական բանակի բարեփոխումներով այն պայմաններուն մէջ, երբ բռնագրաւման տակ կը պահէ ՀՀ ինքնիշխան տարածքներ, եւ այն պայմաններուն մէջ, երբ մենք կ՛ըսենք՝ եկէք Ալմաթիի հռչակագրի հիման վրայ սահմանը արտայայտենք գետնի վրայ եւ այդ սահմանի գիծէն զօրքերը հայելային ետ քաշենք, եւ այդ պիտի ըլլայ փոխադարձ վստահութեան շատ կարեւոր քայլ։ Մեր բանակին բարեփոխումները ոեւէ մէկը պէտք չէ անհանգստացնեն», ըսած է վարչապետը։
