8 Փետրուարին, Ն.Ս.Օ.Տ.Տ. Գարեգին Բ. ծայրագոյն պատրիարք եւ Ամենայն Հայոց կաթողիկոսի օրհնութեամբ, Մայր Աթոռ Սուրբ Էջմիածնի «Վաչէ եւ Թամար Մանուկեան» մատենադարանին մէջ, տեղի ունեցաւ վարդապետական թեզի բանաւոր պաշտպանութիւն:
Մասնաւոր վարդապետական աստիճան ստանալու համար թեզ պաշտպանեց Կ. Պոլսոյ հայոց պատրիարքությեան միաբան հոգեշնորհ Տ. Յովակիմ աբեղայ Սերովբեանը՝ «Թարգմանական կրօնական երկերը 18-րդ դարի պոլսահայ գրատպութեան մէջ» թեմայով:
Յանձնաժողովը կը նախագահէր Տաւուշի թեմի առաջնորդ գերաշնորհ Տ. Բագրատ արքեպիսկոպոս Գալստանեանը։ Յանձնաժողովի կազմին մէջ ընդգրկուած էին նաեւ Շիրակի թեմի առաջնորդ գերաշնորհ Տ. Միքայէլ արքեպիսկոպոս Աջապահեանը, Արագածոտնի թեմի առաջնորդ գերաշնորհ Տ. Մկրտիչ եպիսկոպոս Պռօշեանը, Մասյացոտն թեմի առաջնորդ գերաշնորհ Տ. Գեւորգ եպիսկոպոս Սարոյեանը եւ ԵՊՀ Աստուածաբանութեան բաժանմունքի տնօրէն ու Երեւանի Սուրբ Գրիգոր Լուսաւորիչ մայր եկեղեցգոյ հոգեւոր տեսուչ գերաշնորհ Տ. Անուշաւան եպիսկոպոս Ժամկոչեանը։
Պաշտպանութեան ընթացքին հոգեշնորհ Հայր Սուրբը ներկայացուց իր վարդապետական թեզը, պատասխանեց յանձնաժողովի անդամներուն եւ ներկաներուն հարցումներուն:
Յաւարտ բանաւոր պաշտպանութեան՝ Քննիչ յանձնախումբը դրական եզրակացութիւն տուաւ վարդապետական թեզի պաշտպանութեան եւ արժանի համարեց հոգեշնորհ Տ. Յովակիմ աբեղայ Սերովբեանին շնորհելու մասնաւոր վարդապետութեան աստիճան:
Յառաջիկայ օրերուն, Ամենայն Հայոց Կաթողիկոսի հայրապետական բարձր տնօրինութեամբ, ձեւաւորուած աւանդութեան համաձայն, Օշականի Սուրբ Մեսրոպ Մաշտոց եկեղեցւոյ մէջ պիտի կատարուի մասնաւոր վարդապետական աստիճանի տուչութեան յատուկ արարողութիւն:
